Stortingspolitikar Helge Andre Njåstad, 1. kandidat for Hordaland, vitja i går Bremnes Seashore på Serklau saman med 3. kandidat Martin Jonsterhaug. Dei vart møtt av Simon Nesse Økland, direktør for kommunikasjon og sammfunnskontakt. I bygget på Serklau foregår per no overvåking av merder og foring av samtlige av Bremnes Seashore sine lokalitetar. Framover ynskjer dei å samle all aktivitet i Kvednavikjo, og har difor lagt eigedomen ut for sal.

To engasjerte stortingskandidater i kvar sin godstol med ein spelekonsoll som ein brukar når ein forer. Det er tydeleg at karane følte seg heime, og begge to innrømte at dei spelar FIFA. (Helge Andre Njåstad og Martin Jonsterhaug).

Helge Andre Njåstad er den einaste kandidaten fra Sunnhordland som me veit med sikkerheit kjem til å få stortingsplass til hausten. Han er opptatt av næringslivet i heile Sunnhordland, og vert ein viktig mann for vårt lokale næringsliv på løvebakken i neste periode.

Føreseielegheit og stabile rammevilkår

Simon Nesse Økland orienterte om Bremnes Seashore og om drifta til selskapet. Han er heilt klar på at dei ynskjer seg meir føreseielegheit og stabile rammevilkår for næringa. Dei siste åra har det vært innført store endringar i skattepolitikken med auka formueskatt og innføring av grunnrenteskatt, noko som har medført usikkerheit og investeringsstopp i havbruksnæringa.

Havbruksmeldinga

Havbruksmeldinga som kom i vår baud på fleire overraskingar og forslag til endringar;

• Brå avvikling av MTB
• Trafikklyssystemet skal avviklast utan evaluering
• Alt dreier seg om lakselus

Samstundes peikar Simon Nesse Økland på det positive i meldinga;

• Teknologinøytralitet vart løfta fram
• Fjerning av kollektiv straff
• Signal om vidareføring av spesialtillatelsar

Næringa melder om behov for overgang og tryggleik. Dei peikar på at 10 års overgang er naudsynt, og at ein ikkje foretek hyppige kvoteendringar då ein må få tid til å planlegge.

Ynskjer seg sesongtilpassa MTB

Simon Nesse Økland peikar på at ei fjerning av selskaps-MTB vil hemma naudsynte investeringar. Ein må få ei grundig utgreiing og ei konsekvensanalyse på plass før ein vedtek endringar. Her igjen så handlar det om føreseielegheit, slik at ein kan sikre både panteverdi og struktur formidla han til to lydhøyre politikarar.

Behov for nytt havbruksdirektorat?

I dag er det mange vetoaktørar å forhalde seg til, og eit havbruksdirektorat kan samla og effektivisera, og gjera det enklare å driva. Simon Nesse Økland ber politikarane sjå på ein modell som til dømes Sokkeldirektoratet for oljenæringa, som er ein suksess.

Helge Andre Njåstad og Martin Jonsterhaug takka for eit godt og informativt møte. - For oss er det viktig å koma ut og få treffa dei ulike næringane i vårt distrikt. Njåstad nytta mogligheiten til å rose Bremnes Seashore ved Simon Nesse Økland for hans sterke engasjement og mange turar inn til Stortinget for å møte Hordalandsbenken. - Slike møter er viktige for at me skal forstå utfordringar og problemer ulike næringar har, fortel Njåstad.

Valkampen i full gong

FrP går til val på å fjerne heile formueskatten og redusere skattetrykket generelt. Dei lovar også ein meir næringsvenleg politikk, og stabile rammevilkår.

Det er to travle stortingskandidatar som er på turne i Sunnhordland denne dagen. Dei har vore hos Aker Stord, no hos Bremnes Seashore, før dei skal avslutte valkampen med premiere på Sound of Music i kveld.

- Det vert travle men kjekke dagar no i innspurten av valkampen, fortel dei to engasjerte karane. - Det vert seint før me er framme i Bergen. Hadde me no berre hatt Hordfast på plass, sukkar dei, og fortel at FrP er ein garantist for Hordfast.