Ungt Entreprenørskap og framtidas verdiskaping på Bømlo

Ungt Entreprenørskap Vestland er ein ideell organisasjon som jobbar for å utvikla barn og unge si kreativitet, skaparglede og tru på eigne evner.

Karina Kallevåg Agasøster er rådgjevar i Ungt Entreprenørskap, med ansvar for Bømlo. Ho vil jobba tett saman med lærarar, elevar og næringslivet for å leggja til rette for gode samarbeid, relevante prosjekt og læring med høg verdi for alle partar.

Ungt Entreprenørskap er tett på skulen gjennom å tilby program som kan takast i bruk i undervisning, kurs for lærarar og rettleiing av både lærarar og elevar. Nokre av hovudprogramma er:

· SMARTare Teknologi (6. trinn)

· Elevbedrift (ungdomsskule)

· Ungdomsbedrift (vidaregåande skule)

· Studentbedrift (høgare utdanning)

Alle programma blir gjennomførte i nært samarbeid med lokalt arbeids- og næringsliv. Slik får elevane jobba med verkelege problemstillingar, samstundes som bedriftene får bidra til å utvikla relevant kompetanse for framtida. Ungt Entreprenørskap er ein viktig brubyggjar mellom skule og arbeidsliv.

Store planar for Bømlo

Våren 2026 skal alle 6.-klassingane i Bømlo kommune i gang med programmet SMARTare Teknologi. Her skal elevane samarbeida i grupper med ei reell utfordring frå LOS Elektro, og få erfaring med teknologi, samarbeid og problemløysing.

Bømlo har dei siste åra vist eit sterkt og vellukka samarbeid mellom elevar som driv Ungdomsbedrift på vidaregåande skule og næringslivet. Fleire Ungdomsbedrifter frå Bømlo har vunne prisar på Fylkesmeisterskapet for Ungdomsbedrift, nettopp på grunn av dette gode samspelet.

Hausten 2026 skal elevar ved Bømlo vidaregåande skule igjen driva Ungdomsbedrift. Vi håpar og trur at næringslivet på Bømlo også denne gongen vil vera med og støtta ungdomane i kommunen.

Korleis kan næringslivet bidra?

Næringslivet kan engasjera seg på fleire måtar:

· Mentor: gi rettleiing og råd om forretningsidé, drift og marknadsføring.

· Prosjektsamarbeid: la elevar jobba med reelle problemstillingar frå eiga verksemd, som ein kanskje ikkje sjølv har tid eller ressurar til å løyse.

· Juryarbeid: delta i panel for «syretest», kor elevane pitchar ideane sine i ein tidleg fase.

· Jury på Fylkesmeisterskapet for Ungdomsbedrift i Bergen.

For ungdomane betyr det mykje å bli tekne på alvor i sitt eige lokalsamfunn. Det gir tru på framtida, og på at det finst moglegheiter for dei også på Bømlo. Samstundes får elevane verdifulle nettverk og kontaktar som kan bli viktige både no og i framtidig arbeidsliv.

Her møter de framtidige arbeidstakarar, kundar og samarbeidspartnarar!

Kva får næringslivet igjen for engasjementet?

Samfunnsansvar Bidra til å byggja kompetanse innan berekraft, innovasjon og entreprenørskap.

Bedriftskultur Engasjera eigne medarbeidarar, dela erfaringar og vera med på å utvikla framtidas arbeidskraft.

Attraktivitet Vera ein arbeidsgivar som både dagens og morgondagens arbeidstakarar ønskjer å jobba for.

Omdømmebygging Synleggjera verksemda, styrkja merkevara og bli kjend blant framtidige kundar og samarbeidspartnarar. For spørsmål, eller ønskje om samarbeid, ta kontakt med Karina.

Karina Kallevåg Agasøster
Rådgjevar grunnskule og vidaregåande skule
E-post: Karina.kallevag@ue.no

Mobil: +47 902 48 458
www.ue.no/Vestland