Små endringar i arbeidsløysa
I mai vart det registrert 298 heilt arbeidsledige personar i Sunnhordland. Dette utgjer 1 prosent av arbeidsstyrken. Arbeidsløysa i regionen har dermed auka med 0,1 prosent frå mars. På landsbasis er arbeidsløysa på 1,9 prosent, medan i Vestland 1,5 prosent.
Tala for kommunane i Sunnhordland viser at Tysnes har lågast arbeidsløyse med 0,6 prosent. Deretter følgjer Stord, Sveio og Fitjar med 0,7 prosent. Kvinnherad har ei arbeidsløyse på 1,1 prosent, medan Bømlo ligg høgast i regionen med 1,2 prosent.
I mai vart det registrert 327 ledige stillingar i Sunnhordland. Dette er 33 prosent færre enn i same månad i fjor. Behovet er framleis størst innan helse, pleie og omsorg, med 71 utlyste stillingar.
Dette tilsvarar ein nedgang på 61 prosent samanlikna med same periode i fjor.
Vidare er det registrert 50 ledige stillingar innan ingeniør- og IKT-fag, 48 innan butikk- og salgsarbeid, og 36 innan undervisning. – Me ser ei lita auke i arbeidsløysa denne månaden, men nivået er framleis lågt samanlikna med både fylket og landet elles. Svingingar frå månad til månad er normalt, og endrar ikkje hovudbiletet av ein arbeidsmarknad der etterspurnaden etter arbeidskraft framleis er høg. Sjølv med noko færre utlyste stillingar enn i fjor, er det framleis mange verksemder som melder om
utfordringar med å få tak i rett kompetanse, seier Håvard Lægreid, regionleiar i Nav
Sunnhordland.

For kommentar til meldinga, kontakt:
Håvard Lægreid, regionleiar, tlf. 900 87 622, e-post havard.legreid@nav.no
Anlaug Rygg Svensen, inkluderingsrådgivar, tlf. 91 11 97 63 anlaug.rygg.svensen@nav.no