Den 29 oktober startar me ombygging og påbygging etter brannen, fortel dagleg leiar Leif Kåre Natterøy i Viergo. Det er ei letta og stolt dageg leiar som kan fortelja at nå er alt på plass og at det er lokale bedrifter på Bømlo som skal stå for utbygginga.

Levrandøraane er;

Steinsbø Hus ,v/Hans Magne Stokka (Tømrararbeid, teikning mm).

VVS Bømlo, v/John Morten Sørensen(Grunnarbeid, reinseanlegg og betong)

VVS Bømlo , v/Terje Sørensen (Vatn og røyr innvendig)

LOS Elektro, v/Øyvind Særsten(Elektro)

Solland AS, v/ Andre Strømmen (Ventilasjon, Haugesund)

PTG Winntech AS, v/Leif Tore Lid (Kjøle og Fryserom, Stord)

Arbeidet startar denne veka, ombygginga skal etter planen være ferdig i august, og vert ganske omfattande.

Me startar med alt grunnarbeid og betongarbeid først, og startar rivinga av gamle Klippen. Me doblar arealet i øverste etasje der me går frå dagens 372 til 746 kvm, på grunnflata. Med denne løysinga får me eit funksjonelt og framtidsretta bygg som vil tene oss godt framover, fortel Natterøy.

Vaskeriet flyttar inn i kjellaren, ny inntakskabel og reinseanlegg vert her installert. Jobbfrukt og kjøkkenet vert flytta opp, slik at ein samlar alt som har med matproduksjon oppe. Ein treng å modernisera og legge til rette for auka mat produksjon, og difor installerer ein 3 nye kjølerom/fryserom til jobb frukt, bakeri og konditori.

Medan utbygginga på går legg ein opp til vanleg ordinær drift ved Viergo. Alle avdelingane skal etter planen gå som normalt. Korleis vil me som kunder merke dette lurar me på? «Me håpar at flest mogleg tek turen til oss også under ombygginga, me er heilt avhengig av at drifta går som normalt under anleggsperioden, det vert mykje spanande å fylgje med på i byggeperioden", fortel natterøy.

Bømlo Næringsråd ynskjer Nattrøy og alle tilsette lukke til, dette vert bra.