Kystsogedagar på Langevåg Bygdatun

Langevåg Bygdatun har gleda av å invitere
til opninga av årets Kystsogedagar. Arrangementet, som har vore ein årleg hending sidan bygget sto ferdig 2025, byr på eit variert og spennandeprogram. Helga startar tradisjonen tru med ein skalldyrkveld, og vi ser fram
til å ønskje både gamle og nye besøkande velkomne til ei helg fylt med kultur og opplevingar, fortel dagleg leiar Øyvind Monsen.

Programmet for Kystsogedagane denne helga

Feirar 20-årsjubileum i år

Langevåg Bygdatun, som opna i 2005, feirar sitt

20-årsjubileum i år. Bygget inneheld ei rekkje fasilitetar, inkludert, tannhelseklinikk, legekontor, fysioterapi, ungdomsklubb, klatrevegg, treningsrom, idrettshall, kultursal, skytebane, møterom og fleire kontor som er
utleigd til ni ulike bedrifter. Øyvind Monsen fortel at Bygdatunet er hjartet av Langevåg, eit komplett bygg med sentral plassering, der mange har sin arbeidsplass.

Dagleg leiar i tre år

Øyvind Monsen har vore dagleg leiar på
Bygdatunet i tre år. Han skildrar arbeidet som variert , spanande og til tider litt krevjande, og samanliknar seg sjølv med ei potet som må kunne litt av alt. Det er travle, men givande dagar, og akkurat no er det ekstra hektisk på grunn av Kystsogedagane. I tillegg til den daglege drifta, driv dei også med catering,to bedriftskantiner på Langevåg, og organiserer turar med MS GÅPÅ.

Øyvind Monsen klar for årets store happening, foto; BN

Vedlikehald og framtidige planar

Bygget er no 20 år gammalt og treng utvendig vedlikehald. I år har dei skifta kledning på sørsida, og neste på lista er baksida mot skulen og bedehuset.

Ser optimistisk på framtida

Øyvind Monsen ser lyst på framtida. Det vert nvestert mykje på Langevåg, og optimismen er stor. Me har driftige folk her sør og det meste er tilrettelagt for ny utvikling, med nye hus som blir bygde og fleire som flyttar heim. Med ny veg sørover, ein flott og god skule,
og ikkje minst utbygging av Bømlo Fiskerihamn, ligg alt til rette for at Langevåg skal vekse.

Han håpar at flest mogleg tek turen sørover til Langevåg i helga.

Foto; Bygdatunet