Johanne Dybvik Helland tok over som dagleg leiar i Viergo AS ,20. april. Me møter ein entusiastisk nytilsett dagleg leiar som er veldig nøgd med at det er ho som nå tek over roret i Viergo. I september opnar verksemda dørene etter ombygginga/påbygginga  på Bømlo.

Helland overtok  jobben etter Leif Kåre Natterøy, som går vidare til stillinga som dagleg leiar i Steinsbø Hus i juni. Samstundes held han fram med å følgje byggeprosjektet i Viergo fram til ferdigstillinga i september.

Den nye daglege leiaren seier ho har vorte godt teken imot, og peikar på det sterke fagmiljøet og den lange erfaringa blant dei tilsette som viktige kvalitetar ved verksemda.

Då Bømlo Næringsråd vitja verksemda, fekk dei sjå det nye bygget som no tek form etter planen. Anlegget skal ruste Viergo for vidare drift i fleire tiår framover, og vil mellom anna innehalde ny kafé med moglegheiter for ute servering, nytt bakeri/konditori, eige utsalslokale for lokalproduserte og eigenproduserte varer. På baksida vert det nye garderobar, toalett, fleire kontor, kantine,vaskeri og reinseri, kjøkken og konditori, samt nye areal for Jobbfrukt. Utbygginga vil doble arealet til verksemda.

Helland har utdanning innan økonomi og administrasjon på bachelor- og masternivå, og kjem frå stillinga som økonomi- og administrasjonsleiar i Responsa.

Styreleiar Ragnhild Ravna Skjærvik meiner Helland har den rette kombinasjonen av økonomisk forståing, gjennomføringsevne og omsorg for medarbeidarane.

Ho vert også trekt fram som ein strukturert leiar med høg arbeidskapasitet og stort engasjement for dei tilsette.

Tilsetjinga kjem i ein periode der Viergo både byggjer nytt etter brannen og førebur vidare utvikling av verksemda. Me går veldig spanande tider i møte seier, eg ser fram til at  me kan ta heile bygget i bruk seier Johanne Dybvik Helland.

Bømlo Næringsråd ønskjer, Johanne og alle andre i Viergo lukke til videre.

Ny dagleg leiar Johanne Dybvik Helland og avtroppande dagleg leiar Leif Kåre Natterøy, viser stolt fram "nye" Viergo.